الأديب محمد توفيق السهلي

                  شَقْفِةْ   حَطَبِه

من حكايات أبو توفيق باللهجة العامية الفلسطينية

ألله يمسيكم بأنوار النبي ..سامحوني إذا كنت تأخرت عليكوا

شْوَيّ ..تذكّرْت هظاك اليوم شغْله صارت معي واحنا بالبلاد ..قلت لحالي ياولد ياأبو توفيق احكيها قبل ما تْطّير من راسك…

الإنكليز زيّ ماانتوا عارْفين فاتوا ع بلادنا بأواخر سنة السبعطاش .. وظلّوا مقرِبْطين لشهر نيسان سنة الثمان وأربعين .. بذكر إنّه قبل ما ينقلعوا بأكمّن شهر .. وفْيوم

من الايام كنت انا مروّح من البستان , مْحَمّل على ظهر الحمار ــ أجلّكم الله ــ شويّة حطب .. وبنصّ الطريق ولاّ

العسكر الانكليز : وقّف وقف ..وقفت … كانوا ثلاثه .. نَفَرين

وشاويش ..قرّب الشاويش لعندي وقال لّي : شو هاد ..شومحمّل إنت ؟ قلت لّه : شوفةْ عينك فش معاي إشي غير

شوية الحطب اللي انت شايفهم .. والاّ بصيّح بْخلقتي وبقول : ما أنا عارف إنّه هذا حطب , بس إنت ما عندك رحْمه؟..

مش شايف هذا الع

المزيد

سِنِه مِنْ عُمْري حَقّْها عشر قروش!! ـــ

من حكايات أبو توفيق باللهجة العامّيّة الفلسطينيّة

من اثنين وخمسين سنه,أخَذْني أبوي من المَزِّه للشّام مَشي….وكنت أنا يومْها حافي…ظلّينا ماشْيين تاوْصِلْنا على سوق بقولولُه سوق الصَّرامي..قريب من الجامع الأموي..بسْ أنا وصلْت مْنَهْنَهْ عَ الخالِصْ… أبوي اشترى لي صَنْدَل,ودَفَعْ لَلْبَيّاع ليره وْنُصّْ…قال لّه البياع:لِسَّه يا حَجّي باقي عَشْرِ قْروش…يَمْ أبويْ فَتَح الجِّزْدان تَبَعُه وشَقْلَبُه وقال له:هِيّاتُه مثل مانْتِ شايف,الجزدان أنْظَف من دُبْر الخَطيب,والله يا عمّي مَمَعيش غير اللي اعْطيتَك ايّاهِنْ,سامِحْنا بهالفرَنْكين,وَالله ياعمّي إسَّه راجع أنا وهالولد عَ المَزِّه مَشي,وبُكْرَه في عنده فَحِصْ بالْمِدْرَسِه,ومدرسته في الشام,لوْمِدرسْتُه قريبِه كان راحْ حافي…

البيّاع شِفِقْ عَلَيْ

المزيد

                 مْشَلَّحْ وِقِعْ عَ مْسَلَّخْ

من حكايات أبو توفيق باللهجة العاميّة الفلسطينية

مِنْ زَمانْ كانْ في زَلَمِه فَقير مَحْتُوفْ مَنْتُوفْ , ماحيلْتُه  اللَّظى…يَعْني بِشُوفِ الْبَزْقَه بِحَسِّبْها شِلِنْ…زَلَمِه مِيِّتِ مْنِ الجُّوعْ .. عايِشْ مِنْ قِلّْةِ الْمُوتْ..بِشُوفْ قُرْصِ الشَّمِسْ بِحْسابُه رْغيفْ وِلاّ بيضَه مَقْلِيِّه…قاتِلْتُه الْقِلِّه…بِنامْ بَلا عَشَا…يَعْني اسْمَ اللَّه عَليكْ جِلْدَكْ عَليكْ……ماعَلينا…بَلاَ طُولْ سيرِه.. يوُمْ مِنِْ ذاتِ الإيّامْ…هذا الْفَقير نايِمْ…فاقْ مِنْ نُومُه بِهَا اللّيلْ…اتْطَّلَّعْ لاقى هَا لْحَرامي صارْ عِنْدُ بْنُصِّ الدّار….الْفَقير كانْ أُخْرى شْوَيّْ بِدْها تِجيه الضُّحْكِه…أيْ إيشْ بِدُّه يُسْرُقِ الْحَرامي مْنِ الدّارْ؟!..وَاللَّه أنَا مَعِنْديشْ إشي أوُكْلُه ,وَلاعِنْدي إشي يِنِسْرِقْ…يَعْني مَعِنْديشْ إلا هَالْ

المزيد

                     سلام الله عليك ياشام

      من حكايات أبو توفيق باللهجة العامية الفلسطينية

هَذاك اليُوم, وْأنَا قاعِدْ عَلَى النِّتْ, ذَكَّرَتْني بِنْتْ شَامِيِّه, ألله يُسْتُرْ عَليها ويْسَهِّلْ عَليها وينْ  مَاكانَتْ…..ذكّرتْني بْعادِه مِنْ عَادات الشّْوامْ, مَفِشْ أحْلى مِنْ هيك …..قالَتْ البنت, إنُّه خالِةْ أبُوها كانَتْ تِحْكي لْها عَنْ عادات الشّام  أيّامْ  زَمان… قالتْ : كانُوا الشّوام زَمان يِتْساكَبُوا , يَعْني كُلْ صاحْبِةْ  بيت  بْتُسْكُبْ  لَجَارِتْها صَحِن مْنِ الأكِل اللّي  طابِخْتُه…..بِتْقُومْ  جارتْها  بَعْدِ  شْوَيْ  بِتْرَجِّعِ  لْها الصَّحِنْ بَعِدْ مَاتسْكُب فيه مْنِ الأكِلِ اللّي هي طَابِخْتُه….لإنُّه عيبِ كْبير إنّه  الواحَدِه  تْرَجِّعِ  الصَّحِنْ  فاضي ..

وُبِتْكَمِّلْ خالِةْ أبُوها  للبنت " والتعبير من عندي "… وفي يوم كانْ في إلْكُمْ جارَه  فَقيرِه  كْثير , وماحيلِتْها  حيلِه… يَعْني  بْتِشْكي  قِلِّةِ الفيرانْ في دارْها  مْنِ  الفُقُرْ  وِالْقِلِّه ….إمِّكْ  ألله  يِرْحَمْها  وْيِحْسِنْ إليها  وْيِجْعَلْ  مَسْكَنْها  الْجِنّه….سَكْبَتْ  صَحِنْ  أكِلْ  

المزيد

       إلخيلْ إلْها رُبْعِ الدِّنْيا

من حكايات أبو توفيق باللهجة العامية الفلسطينية

مِنْ زَمانْ , كانْ  في عِنْدْ سيدي أبُو أبُويْ, حْصانْ أصيل, وُكانْ سيدي مْدَلِّلْ هَالِحْصان كْثيرْ كْثيرْ…

في يوُمِ  مْنِ الأيّامْ, الِحْصان دَعَسْ عَلَى إجِرْ سِتّي إمْ أبُويْ… قامَتْ سِتّي أجَتْ تْصَيِّحْ وِتْعَيِّطْ مْنِ الْوَجَعْ وُتُعْرُجْ…. سيدي ـ ألله يِرْحَمُه وْيِرْحَمْ جَميعْ أمْواتْكُوا ـ انْقَهَرْ كْثيرْ عَلَى سِتّي , وُ مَظَلِّشْ في راسُه جِنْسِ الْعَقِلْ… قامْ سَحَبْ الِحْصانْ وُحَبَسُه في الْبايْكِه"الزّْريبِه", وُقالْ قُد

المزيد

     أســــْــــعَدْ  يوُم في عُمْري

من حكايات أبو توفيق باللهجة العامية الفلسطينية

حْلِمِتْ أوَّلْةِ مْبارِحْ إنُّه إحْنا كُلْنا رْجِعْنا عَ الِبْلاد….سيعَه أشوُفْ حالي وَاناَ زْغير قاعِدْ ألْعَبْ عَ اطْرافْ مَرْجِ ابِنْ عامِِرْ, زَيْ ماكُنْتْ أيّامْ زَمانْ….وُسيعَه أشُوفْ حالي اخْتْيارْ……وُفي آخْرِ الْمَنامْ مُتِتْ…قامُوا دَفَنُوني تِحْتِ التّينِه

المزيد

              فلسطين وعلبة الشظايا

من حكايات أبو توفيق باللهجة العامّيّة الفلسطينية

كانْ في بْجَنْبْ دارْنا بِالِبْلاد بَرَاكِيِّه زْغيرِه..كانْ يْنامْ فيها حَمَدْ النّاطوُر…يومِ مْنِ الأيّامْ كُنْتْ ألْعَبْ وُأنا زْغير في الْحَاكوُرَه تَبَعْنا…ألْحَقْ الْفَرَاشات وَازْقُطْها,أوْ أطارد الطَّزّيزْ وُهوُ طايِرْ مِنْ قُرْنِه لَقُرْنِه..وُلَمّا أزُقْطُه أرُبْطُه مِنْ إجْرُه بْخيطْ طويل وأتُرْكُه يْطير وُوينْ مَا يْطيرْ أناَ أظَلّ وَراه.

قُمْتْ شُفِتْ ثَلاثْ ارْبَعْ يَهوُدْ مَرَقوا بْجَنْبْ الْبَرّاكِيِّه…واحَدْ مِنْ هَذوُل الأرْبَعَه مَدّ إيدُه وُأطْلَعْ قُنُبْلِه… إحْنا في الِبْلاد كُنّا نْقوُلْ لّها:بُمْبَه…..قامْ زَتْ القنبله مِنْ شُباّكِ البَرّاكِيّه وُراحْ هوُ وِاللّي مَعاه يُرُكْضوُا…طِلِعْ صوُتْ قَوي…وُبَعْدْ شْوَيْ طِلِعْ أبوُيْ وُ

المزيد

                   أنا وإبْني وِالْلُّعْبِه

    من حكايات أبو توفيق باللهجة العامّيّة الفلسطينية

مِنْ زَمانْ..مِنْ حَوالي سِتّينْ سِنِه..كُنْتْ أشوُفْ الاوْلادِ اللّي مِنْ جيلي كيفْ كانوا يِلْعَبوا بِاللُّعَبِ اللّي كانَتْ أشْكالْ وُألْوانْ…سَياّرَه بْتِشْتْغِلْ عَلى الزُّنْبَرَكْ..لُعْبِه بْتِمْشي عَلى الزُّنْبَرَكْ ,وُغيرْهَا وغيرْها إشي كْثيرْ..قَدّيشْ كُنْتْ أتْمَنّى إنّي ألْعَبْ بْلُعْبِه مِنْ هَاللُّعَبْ…لكِنْ مْنينْ ياحَسْرَه…مَهوُ الْواحَدْ مِنّا مَكَنْشْ مْلاقي إشي يُوكْلُه….

ظَلَّتِ اللُّعْبِه الزّْغيرِه حِلْمْ كْبيرْ…عاشْ مَعي وع

المزيد

               ــ  حِزِّ بَطّيخْ وُسَمَكِه ــ

من حكايات أبو توفيق باللهجة العامية الفلسطينية

كان في زَلَمِه بْقرْية من القرى تَبَعْنا في الِبْلاد,إسْمُه أبو علي…كان فاتِحْ دارُه مَضافِه لَكُلّ الناس مِنْ قَرِيْتُه والقرى الثانيِه…لكن هذا الزّلَمه كانْ يِحْكي كْثير,وِلْسانُه مابُعْبُرْ ثُمُّه…وُما بِحِبّشْ حَدا يِحْكي غيرُه…وُأكْثَر الْحَكي اللّي بِحْكيه كانْ خَرْطْ بْخَرْطْ وُهَشْتْ بْهَشْتْ…هُو بِعْرف هَالإشي وُكُلّ الناس كَمانْ بِعْرَفوا…لكن الناس بروُحوا لَعِنْدُه عَ المَضافِه عَشان يِتْسَلّوا.

في ليلِه مْنِ الليالي…قاعِدْ أبو عَلي يِحْكي ويْقول:لَمّا كُنّا في السَّفَرْبَرْلِكْ"يعني الحرب العالمية الأولى,وعلى فِكْرَه أبو علي لا راحْ عَ الحَرْبْ وَلابِعرَفْ عَنْها إشي"….انْكَسَر الْجيش..وُكُلْ واحَد مِنّا راحْ في ديرِه…ظَلّيتْ أنا أمْشي أمْشي…قُمْتْ تعبْت…قعَدِتْ أتْرَيًّحْ شْوَيْ…جُعِتْ ….قُمْتْ شُفِتْ مْنِ بْعيدْ جَبَلْ عالي وِكْبير,وُهَالْجَبَل بِلْمَعْ…رُحْتْ أرْكُض ناح الجَبل…لمّا صُرْتْ قريب عَليه تْطّلَّعِتْ ,أتاري الجبل بَطّيخَه كْبيره…قمتْ أنا

المزيد

قَرار الْحَسِمْ

      من حكايات  أبو توفيق باللهجة العامية الفلسطينية

ويِن مارُحِتْ..وينْ ماجيتْ..كيفْ ماتْطَّلَّعِتْ .. إنْ شَرَّقِتْ ,وِانْ غَرَّبِتْ..بَلاقيه بْخِلِقْتي, لكِنْ بْزيِقْ رَبُّه ,يَعْني"رَبّي كَما خَلَقْتْني"…وِالظّاهِر إنُّه شافْ بْوِجْهي حَكي…قامْ قالْ لّي: مِثِلْ مَانْتِ َشايف شُوبِدْنا نْسَوّي؟ أجوُا اوْلادِ الْحَرامْ شّلَّحوُنا الأرْضِ اللّي حيلِتْنا….وْسَمَحوا لْنا بَعْدين وِتْكَ

المزيد