قَرار الْحَسِمْ

      من حكايات  أبو توفيق باللهجة العامية الفلسطينية

ويِن مارُحِتْ..وينْ ماجيتْ..كيفْ ماتْطَّلَّعِتْ .. إنْ شَرَّقِتْ ,وِانْ غَرَّبِتْ..بَلاقيه بْخِلِقْتي, لكِنْ بْزيِقْ رَبُّه ,يَعْني"رَبّي كَما خَلَقْتْني"…وِالظّاهِر إنُّه شافْ بْوِجْهي حَكي…قامْ قالْ لّي: مِثِلْ مَانْتِ َشايف شُوبِدْنا نْسَوّي؟ أجوُا اوْلادِ الْحَرامْ شّلَّحوُنا الأرْضِ اللّي حيلِتْنا….وْسَمَحوا لْنا بَعْدين وِتْكَرَّموا عَلينا إنُّه  الْبَعِضْ مِنّا يُنُصْبوا خْيامْهُمْ فوُقِ أرْضْنا اللّي سَرَقوها مِنّا…! وُمِنْ هَذاكِ الْوَقِتْ لإسَّه, وْهُمِّ رايْحين جايين

لَعِنّا…بِهِجْموا عَلينا في اللّيل …بِشَلْحوُنا أواعينا,وُبِشَلْخوا لْنا لْباساتْنا وُبِروُحوا….

شُو بِدْنا نْسَوّي شُوبِدْنا نِعْمَل؟…عِمْلَتِ الْعَشيرِه اجْتِماعْ تاريخي…وُطِلْعَتِ بْراسِ الشّيخْ تَبَعْنا خُطَّه,قامْ أخَذْ قَرارِ الْحَسِمْ, إنُّه لازِمِ نْخَلّي هالاوْلادِ الْحَرامْ  يِفْشَلوا في كُلِّ الْمَساعي تَبَعْهُمْ….وُمِنْ يومْها ياخوُيْ وِاحْنا مْزَلْبَطينْ…!!!

محمد توفيق السهلي

29/حزيران/2007